Ushtruesi i detyrëse së Kryeshefit ekzekutiv i Kompanisë Rajonale Ujësjellësi (KRU) “Prishtina”, Sokol Xhafa ka folur për sfidat dhe vështirësitë që po kalon kjo kompani.
Xhafa tha se edhe pse pandemia, COVID-19 e ka prekur këtë kompani, ata me punë intensive sërish ia kanë dal të operojnë në tetë komuna si dhe në kryeqytet.
“I gjithë viti na kaploi me pandeminë COVID-19, edhe pse ne kemi operuar gjatë gjithë kohës. Operojmë me tetë komuna, duke përfshirë edhe kryeqytetin. Natyra jonë e punës nënkupton që duhet të jemi pranë konsumatorëve, duke kontrolluar dhe kualitetin e ujit nëpër laboratorët tona. Nga pjesa e shërbimeve publike është puna më e vështirë. Edhe pandemia e ka bërë të domosdoshme praninë e ujit. Pa furnizim me ujë nuk jetohet. Ne duhet të jemi gjatë gjithë kohës të gatshëm në punë, dhe këtë e kemi arritur fal stafit që kemi”, ka thënë ai.
Sipas tij, kjo kompani këtë vit pos pandemisë, është goditur edhe nga thatësirat nëpër liqenet të cilat i shfrytëzojnë për ujë.
“Fatkeqësisht këtë vit jemi goditur nga dy problematika më madhore siç janë thatësirat dhe pandemia. Ne si kompani para tre vitesh bashk me GIZ-in gjerman, një pjesë e stafit janë trajnuar pikërisht për kohë të tilla. Menaxhimi i vet kësaj kohe me thatësira ka ardh nga ai planë. Fatmirësisht e kemi dhe impiantin në Shkabaj”, ka thënë ai për Telegrafin.
Xhafa po ashtu foli edhe për reduktimet me ujë të cilat i kanë pasur këtë vit.
“Duke pas parasysh që zonat urbane po zgjerohen shpejt kjo ka bërë që nga data 15 gusht, zonat rurale kanë pas reduktime, ndërsa zonat urbane kanë pas reduktime nga ora 00:00 të natës deri në 04:00 të mëngjesit. Në Lipjan me zonat rurale ka ende reduktime pasi po hapim puse të reja, ku dhe aty do të kthehet furnizimi me ujë të pijshëm”, theksoi shefi i KRU “Prishtina”.
E sa i përket borxheve të konsumatorëve ndaj kësaj kompanie, ai tha: “Borxhet janë të mëdha që nga paslufta. Asetet tona janë vjetëruar shumë si dhe kërkon një kosto. Sikur t’i kemi të gjitha ato pagesa ne do t’i konvertonim në investime kapitale. Borxhi total që nga paslufta është mbi 45 milionë euro. Ndërsa vetëm këtë vit në kohë pandemie është mbi 2.5 milionë euro. Disa konsumatorë janë të kujdesshëm, por disa të tjerë jo”.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...