Sekretari i përgjithshëm i NATO-s, Jens Stoltenberg, javën e ardhshme do të qëndrojë për vizitë në Turqi dhe Greqi për bisedime me zyrtarë të lartë, transmeton Anadolu Agency (AA).
Siç njoftoi aleanca ushtarake, të hënën, më 5 tetor, Stoltenberg do të udhëtojë në Ankara, ndërsa të martën, më 6 tetor, do të udhëtojë në Athinë.
Në Ankara Stoltenberg do të takojë ministrin e Punëve të Jashtme, Mevlüt Çavuşoğlu dhe zyrtarë të tjerë të qeverisë.
Në Athinë ai do të takohet me kryeministrin Kyriakos Mitsotakis, ministrin e Punëve të Jashtme, Nikos Dendias dhe ministrin e Mbrojtjes, Nikos Panagiotopulos.
Vizita e shefit të NATO-s vjen pasi sot në takimet në selinë e NATO-s në Bruksel Turqia dhe Greqia arritën “mirëkuptim të përbashkët mbi parimet e përgjithshme” për Mesdheun Lindor.
Duke filluar nga 10 shtatori delegacionet ushtarake turke dhe greke zhvilluan disa bisedime teknike të drejtuara nga NATO. Bisedimet u planifikuan pas një telefonate midis presidentit turk, Recep Tayyip Erdoğan dhe Stoltenberg në fillim të shtatorit.
Ministria turke e Mbrojtjes njoftoi se raundi i gjashtë i bisedimeve u zhvillua të martën.
Musliu: Skenari i rrenave të Albinit, sot po kthehet në real...
Pas Shqipërisë, Von der Leyen viziton Maqedoninë e Veriut
Hoti akuzon Qeverinë për keq menaxhimin e KEK-ut: Energjia e...
Muharrem Jashari u shpall lojtari i muajit dy herë radhazi t...
Ministria e Mbrojtjes shpall konkurs për pranimin e kadetëve...
Tahiri: Na patën lodh “krejt dhe drejt” e sot s’vijnë për de...