Google ADS

Komisioni për Infrastrukturë kalon projektligjin, që heq detyrimin për homologimin për veturat që vijnë nga vendet e BE-së

14:15 | 29 Shtator 2020
Arbresh.info

Komisioni Parlamentar për Infrastrukturë e ka kaluar projektligji për ndryshim/plotësimin e Ligjit për Automjete, që heq detyrimin për homologim të veturave të reja dhe të përdorura që vijnë nga shtetet e BE-së, Zvicra dhe Norvegjia.

Lajmin e ka bërë të ditur deputeti i Vetëvendosjes, Hekuran Murati përmes një statusi në Facebook.

Ai ka theksuar se “vullneti i qytetarëve nënshkrues të peticionit po zbatohet”.

Njoftimi i plotë i Muratit:

Në Komisionin për Infrastrukturë, sapo kaloi projektligji për ndryshim/plotësimin e Ligjit për Automjete, që heq detyrimin për homologim të veturave të reja dhe të përdorura që vijnë nga shtetet e BE-së, Zvicrra dhe Norvegjia.Falenderoj të gjithë anëtarët e Komisionit që i dhanë mbështetjen këtij ndryshimi, dhe shpresoj që së shpejti ky projektligj të marrë mbështetjen edhe në seancë plenare.
Vullneti i qytetarëve nënshkrues të peticionit po zbatohet!

Shpërndaje në rrjete sociale

Lajmet më të lexuara

Të ngjashme

Foto lajm