Google ADS

Shefi i BE-së në Kosovë: Asociacioni temë e hapur, duhet të diskutohet në Bruksel

12:58 | 29 Shtator 2020
Arbresh.info

Shefi i Zyrës së Bashkimit Evropian në Kosovë, Tomash Szunyog, ka thënë se Asociacioni i komunave me shumicë serbe është temë e hapur për të cilin duhet të flitet në Bruksel në kuadër të marrëveshjes finale mes Kosovës e Serbisë.

Në një konferencë për media, pas takimeve me udhëheqës të Mitrovicës së Jugut dhe asaj të Veriut, Szunyog ka folur për investimet që BE-ja ka bërë në këtë pjesë, shkruan Arbresh.info.

Kosova e Serbia ishte paraparë të takoheshin të hënën në Bruksel në kuadër të dialogut. Takimi ishte shtyrë nën arsyetimin për kujdes ndaj pandemisë. Por deri tash, pandemia s’kishte paraqitur fare problem për takimet e ndërmjetësuara nga përfaqësuesi special i BE-së, Miroslav Lajçak. Problemet u shfaqën kur Serbia kërkoi që në rend dite të futej tema e Asociacionit të Komunave me Shumicë Serbe, gjë që u kundërshtua nga pala kosovare. Madje kryeministri Avdullah Hoti e cilësoi temë të mbyllur çështjen e asociacionit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm