Igle Tare ‘peshkon’ përsëri në shqiptar, vihet pas yllit të Arsenal-it

09:38 | 22 Shtator 2020
Arbresh Info

Qendërmbrojtësi i Arsenal-it, Shkodran Mustafi mund të jetë lojtari i radhës që i bashkohet skuadrës së Lazio-s.

Shqiptari që përfaqëson Kombëtaren e Gjermanisë momentalisht është duke u shëruar nga lëndimi që pësoi në javët e fundit të edicionit, transmeton portali arbresh.info.

Mustafi do rikthehet në tetor, mirëpo ekziston mundësia që aventura me “Topçinjtë” të këtë mbaruar.

Sipas Sport Mediaset, është drejtori sportiv Igle Tare që synon ta përforcojë mbrojtjen me shërbimet e Mustafi-t.

Nëse ndodh ky transferim, atëherë të skuadra italiane do bëhen tre shqiptarë, ngase momentalisht janë Thomas Strakosha dhe Vedat Muriqi.

Ky transferim mund të realizohet për 10.5 milionë euro, derisa në garë ndodhet edhe gjiganti turk Galatasaray./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm