Reuters: Thaçi do ta nderojë Trumpin me “Urdhrin e Lirisë”

00:10 | 18 Shtator 2020
Trina Galanxhi

Kosova do ta nderojë presidentin amerikan Donald Trump me medaljen më të lartë për rolin e tij për ta ndihmuar Kosovën dhe Serbinë që të arrijnë një marrëveshje për normalizimin e marrëdhënieve ekonomike.

Presidenti i Kosovës Hashim Thaçi, në një letër që e ka parë Reuters, e ka informuar Donald Trump se ai do ta pranojë medaljen “Urdhri i Lirisë” nga Kosova.

Në letrën drejtuar Trump ku shpreh “mirënjohjen e thellë për kontributin personal për ndërmjetësimin e marrëveshjes”, presidenti kosovar e ka ftuar homologun e tij amerikan që ta vizitojë Kosovën.

Dy ndihmësit e Trumpit, Këshilltari për Siguri Kombëtare Robert O’Brien dhe Emisari Special amerikan për dialogun Kosovë-Serbi Richard Grenell, do të pranojnë Medaljen Presidenciale të Meritave./ Klan Kosova

Shpërndaje në rrjete sociale

Lajmet më të lexuara

Të ngjashme

Foto lajm