Kryetari i Nismës Socialdemokrate, Fatmir Limaj, i shoqëruar nga Sekretari i Përgjithshëm, Bilall Sherifi, ka pritur në takim njoftues shefin e ri të Zyrës së BE-së, njëheresh Përfaqësuesin Special të BE-së në Kosovë, Tomáš Szunyog, të cilit i ka dëshiruar suksese në misionin e tij.

Në këtë takim është diskutuar për zhvillimet aktuale në vend, me theks të veçantë liberalizimin e vizave për Kosovën dhe dialogun Kosovë-Serbi, shkuan Arbresh.info.

Limaj tha se integrimet europiane janë përcaktimi dhe orientimi ynë si vend.

Kreu i Nismës ka ngritur çështjen e zvarritjes së liberalizimit të vizave, duke shprehur pakënaqësinë me vonesën e panevojshme në këtë proces.

Poashtu ai ka thënë se pret nga BE që t’i mbaj fjalët dhe t’i liberalizojë vizat për qytetarët e Kosovës, në mënyre që të rinjtë tanë të lëvizin lirshëm në kryeqendrat europiane. Sa i përket dialogut me Serbinë, kryetari Limaj tha se nevojitet një agjendë e qartë me kohë të caktuar në mënyre që të arrihet deri të marrëveshja përfundimare me njohje reciproke mes dy vendeve.

Nga ana e tij, Szunyog, u shpreh i gatshëm për bashkëpunim të ngushtë me institucionet e Kosovës në agjendën e integrimit europian, forcimin e sundimit të rendit dhe ligjit në Kosovë, si dhe për të kaluar sfidat që ka sjellë pandemia COVID-19 në fushën e ekonomisë./Arbresh.info/