Hapja e shkollave, Berisha: Është me rrezik! Nuk asnjë masë anti-covid

23:30 | 7 Shtator 2020
Trina Galanxhi

Ish-kryeministri Sali Berisha deklaroi në Syri Tv se hapja e shkollave më 14 shtator është me rrezik.

Berisha u shpreh se në 80% të shkollave nuk ka asnjë kusht anti-Covid, si ujë, dezinfektant alkool apo pastrues.

“Hapja e shkollave është me rrezik. Ju garantoj se në minimumi 80 përqind të shkollave nuk ka asnjë kusht anti-Covid. Nuk ka ujë, nuk ka dezinfektant, nuk ka alkool, nuk ka pastrues.

 E lexova udhëzimin që dhanë. Në Tiranë shkollat janë me dy turne pa Covid, tani do bëhen me 4 turne. Asnjë garanci nuk ka, asnjë masë nuk është marrë në mënyrë absolute,” tha Berisha.

Berisha tha se Shqipëria nuk përfitoi aspak nga mbyllja, por shkatërroi ekonominë e vendit, ndërsa shtoi se pas karantinës, rastet u dhjetëfishuan./abcnews/

Shpërndaje në rrjete sociale

Lajmet më të lexuara

Të ngjashme

Foto lajm