Google ADS

Zyrtare: Gledi Mici e konfirmon transferimin te Prishtina

16:52 | 7 Shtator 2020
Arbresh Info

Mbrojtësi i majtë, Gledi Mici, ka konfirmuar edhe zyrtarisht transferimin te skuadra e Prishtinës, ashtu siç paralajmëroi “Olle” para disa ditësh.

Pas Sabien Lilajt, bardhekaltërit kanë bërë edhe goditjen tjetër të madhe, duke forcuar kësaj radhe repartin e mbrojtjes.

Në një prononcim për gazetën Olle, Mici ka konfirmuar kalimin te klubi bardhekaltër.

Ai ka arritur akord 1-vjeçar me kryesinë e klubit.

“Po, mund të konfirmoj që jam futbollist i Prishtinës. Kemi arritur marrëveshje 1-vjeçare me kryesinë e klubit dhe në edicionin e ri do të veshi fanellën e Prishtinës”, deklaroi Mici.

Mici në edicionin e kaluar djersiti fanellën e Shkëndijës, për t’u ndarë me klubin tetovar në afatin kalimtar.

Ai është një prej emrave më të mëdhenj të futbollit shqiptar që zbarkon në Kosovë gjatë viteve të fundit. /Gazeta Olle/

Shpërndaje në rrjete sociale

Lajmet më të lexuara

Të ngjashme

Foto lajm