Për të dytën ditë me radhë, Franca raporton mbi shtatë mijë raste të reja me coronavirus

20:14 | 3 Shtator 2020
Arbresh.info

Franca ka regjistruar më shumë se shtatë mijë raste të reja me coronavirus për të dytën ditë me radhë.

Ministria e Shëndetësisë tha të enjten se kishte 7,157 infeksione të reja, një rritje e lehtë në krahasim me një ditë më parë prej 7,017 gjersa rekordi është 7,578 i vendosur më 31 mars.

Ministria tha se numri kumulativ i rasteve të konfirmuara tani është 300,181, raporton BBC, transmeton Telegrafi.

Kishte edhe 20 vdekje të tjera të lidhura me virusin, duke e dërguar numrin në 30,706. Franca është një nga disa vendet evropiane që lufton me një ringjallje të infeksioneve.

Kreu i agjencisë së shëndetit publik të Bashkimit Evropian thotë se numri i rasteve është përsëri në nivelet e parë si në mars, kur virusi kapi për herë të parë kontinentin. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm