Dhomat e Specializuara të Kosovës në Hagë (DHSK), kanë miratuar Rregulloren e Ndihmës, e cila u mundëson të dyshuarve ose të akuzuarve në DHSK të cilët provojnë se nuk janë në gjendje të paguajnë për mbrojtjen e tyre dhe nuk marrin ndihmë juridike në mënyra të tjera, u miratohet ndihmë juridike e plotë ose e pjesshme për pagesën e avokatit që zgjedhin vetë, i cili plotëson kushtet e pranimit në listën e mbrojtësve të DHSK-së.
Po ashtu, Specialja ka publikuar dokumentin përmes së cilit tregohet se sa do të paguhet një avokat mbrojtës i të dyshuarve, apo edhe të akuzuarve të mundshëm të kësaj gjykate, raporton arbrersh.info.
Përmes një shtojce, Specialja ka bërë të ditur se për një orë punë, një avokat mbrojtës i të dyshuarve apo të akuzuarve të saj mund të paguhet deri në 100 euro.
Paga totale mujore e një mbrojtësi të të akuzuarve të Dhomave të Specializuar për punë jo të plotë, do të arri rreth 5.000 euro.
“Për mbulimin e shpenzimeve që dalin gjatë fazave të ndryshme të procesit, mbrojtësit të caktuar i caktohen shumat e mëposhtme: Shumat mujore që i caktohen mbrojtësit të caktuar për mbështetjen e përfaqësimit të çështjes:- Shpenzimet e përkthimit me shkrim dhe me gojë: 1.150 euro në muaj;- Shpenzime të tjera që shefi i Zyrës së Mbrojtjes i gjykon të nevojshme: 500 euro në muaj; Shuma që i caktohet mbrojtësit të caktuar për kontraktimin e hetuesve të jashtëm:- gjithsej 40.000 euro për të gjitha fazat e procesit. Shumat që i caktohen mbrojtësit të caktuar për mbështetjen e kryerjes së hetimeve:gjithsej 10.000 euro për fazën e procedurës paraprake; gjithsej 20.000 euro për fazën e gjykimit: gjithsej 5.000 euro për fazën e apelit në shkallë të dytë; gjithsej 5.000 euro për fazën e apelit në shkallë të tretë’, bëhet e ditur në këtë shtojcë.
Për orar jo të plotë në muaj, një avokat do të marrë deri në 26.830 euro në shkallën e parë, ndërsa në shkallën e apelit kjo shumë do të arri deri në 31.470 euro, raporton arbresh.info.
Po ashtu kjo në qoftë se nuk shpenzohen, shumat e caktuara mund të mbarten në muajin apo fazën vijuese të procesit. Shumat e caktuara paguhen vetëm pas dorëzimit të dokumentacionit, konkretisht faturave që vërtetojnë se mbrojtësi i caktuar faktikisht i ka kryer dhe paguar shpenzimet./arbresh.info/
Një vjet nga sulmi terrorist në Banjskë, Manastiri do të jet...
Policia shqiptoi afro 2 mijë gjoba brenda 24 orëve
Arrestohet gjilanasi për armëmbajtje pa leje
Ushtria izraelite paralajmëron civilët libanezë që të largoh...
Arrestohen katër persona në Shipol për kontrabandim me emigr...
Kanosi zyrtarët policor, arrestohet një grua në Pejë