Google ADS

Babai i Messi-t dhe agjenti arrijnë në Barcelonë për të biseduar për kërkesën e transferimit

09:42 | 2 Shtator 2020
Arbresh Info

Babai i Lionel Messi-t dhe agjenti Jorge kanë arritur në Barcelonë për të diskutuar për të ardhmen e gjashtë herë fituesit të Topit të Artë.

Jorge Messi do takohet me presidentin e Barcelonës, Josep Maria Bartomeu dhe pritet të diskutojnë për largimin e argjentinasit, i cili informoi klubin katalunas se ka dëshirë të largohet, transmeton portali arbresh.info.

Sidoqoftë, thuhet se Barcelona do t’i ofrojë sulmuesit rinovim të kontratës deri në vitin 2022.

Kur arriti në aeroport, Messi iu tha gazetarëve: ‘Unë nuk di asgjë djem’.

Messi nuk u shfaq në stërvitje dhe në testet e koronavirusit, me kërkesën që t’i lejohet t’i aktivizohet klauzola e largimit si lojtar i lirë.

Mirëpo, Barcelona dhe La Liga janë të një mendimi që klauzola e Messi-t vlen 700 milionë euro, kurse reprezentuesit e argjentinasit nuk mendojnë kështu.

Mbetet të shihet nëse lojtarit do t’i lejohet të largohet dhe destinacioni më i mundshëm shihet Manchester City./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm