Kombëtarja e Kosovës e ka mbajtur stërvitjen e dytë dhe të fundit në “Fadil Vokrri” para udhëtimit në Itali, ku të enjten më 3 shtator do të ballafaqohet me Moldavinë, në ndeshjen e parë të edicionit të ri të Ligës së Kombeve, në kuadër të grupit 3 të Ligës C.
Edhe në këtë stërvitje përzgjedhësi Bernard Challandes ka pasur në dispozicion lojtarët që i kishte edhe një ditë më parë, derisa ka punuar më shumë në lojën në hapësira të ngushta dhe në lojën sulmuese, por edhe në skema të ndryshme taktike.
Atmosfera në ekip është si zakonisht shumë e mirë, derisa dëshira e futbollistëve për ta nisur mbarë ciklin e ri të ndeshjeve është e madhe, gjë të cilën në deklaratat pas stërvitjes e kanë potencuar edhe Anel Rashkaj e Fidan Aliti. Stërvitjet e sotme krahas presidentit Agim Ademi, nënkryetarit Bakir Burri dhe sekretarit të përgjithshëm Eroll Salihu, e ka ndjekur nga afër edhe ministri i shëndetësisë, Armend Zemaj.
Nesër në mëngjes ekspedita e Dardanëve do të udhëtojë për në Parma, ku do të zhvillojë edhe një stërvitje para ndeshjes së të enjtes.
Sveçla takon homologun bullgar, diskutuan për situatën e për...
Nis konferenca për demaskimin e korrupsionit organizuar nga ...
Ripërsërit Vuçiq: Nuk do të heqim dorë kurrë nga Kosova
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...