Ekipi më i mirë i edicionit të fundit në Ligën e Kampionëve, dominim nga futbollistët e Bayernit

10:28 | 29 Gusht 2020
A. B.

Ka përfunduar edicioni 2019/2020 në garën më të madhe evropiane për klube, Ligën e Kampionëve.

Bayern Munich është kampioni në fuqi i kësaj gare, pasi në finalen e madhe mposhtën Paris Saint Germain me rezultat minimal 1-0.

Ka qenë një edicion i jashtëzakonshëm pasi nga ndeshjet çerekfinale janë zhvilluar vetëm nga një ndeshje pa kthyese, për shkak të pandemisë Covid-19.

Gjithsesi ka pasur ndeshje tejet emocionuese ku nuk munguan edhe befasitë.

Shtëpia më e madhe e futbollit evropian, UEFA tanimë ka publikuar ekipin më të mirë të këtij edicioni.

Në mesin e 23 lojtarëve më të mirë, dominim është nga Bayern Munich, pasi kampioni aktual i Evropës ka nëntë futbollistë të saj.

Nga kampioni i kaluar Liverpool, në këtë listë është vetëm Virgil Van Dijk, ndërsa nga Barcelona vetëm Lionel Messi.

Edhe pse bëri një sezon të mirë, nuk ka pasur vend në këtë ekip për gjeniun e Juventusit, Cristiano Ronaldon. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm