Ministrja Shahini për Parlamentin e Nxënësve: “Aleat i yni në përmirësimin e eksperiencës shkollore”

11:47 | 28 Gusht 2020
Arbresh Info

Ministrja e Arsimit, Sportit dhe Rinisë së Shqipërisë Besa Shahini ka dedikuar një status në rrjete sociale për punën e vazhdueshme dhe kontributin e “Parlamentit të Nxënësve”, i cili funksionon si një organ këshillimor pranë MASR me qëllim forcimin e pjesëmarrjes aktive të nxënësve të shkollave 9-vjeçare dhe të mesme në proceset e vendimmarrjes dhe në rritjen e cilësisë së procesit arsimor, transmeton arbresh.info.

“Si ministri e fëmijëve dhe të rinjve, me themelimin dhe angazhimin e vazhdueshëm të Parlamentit të Nxënësve kemi çuar akoma më përpara interesin e përbashkët të nxënësve tanë”, shprehet Znj. Shahini.

Duke nënvizuar se “për ne është shumë e rëndësishme të dëgjojmë e mësojmë direkt nga nxënësit”, Ministrja Shahini cilëson gjithashtu se Parlamenti i Nxënësve, “si një organ këshillimor pranë MASR, është një prej aleatëve tanë më të mirë për të adresuar çështje të ndryshme që janë plotësisht në funksion të përmirësimit të eksperiencës shkollore”./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm