Ibrahimovic arrin marrëveshje me Milan-in, do rinovojë kontratën edhe për një vit

21:59 | 27 Gusht 2020
Arbresh Info

Ylli i AC Milan-it, Zlatan Ibrahimovic ka arritur marrëveshje me klubin dhe do rinovojë kontratën për vitin e ardhshëm.

Suedezi ende s’është rikthyer në “San Siro” për përgatitjet për edicionin 2020/21, duke pritur që të arrihet marrëveshja, transmeton portali arbresh.info.

Sipas Sky Sport Italia, Ibrahimovic ka pranuar marrëveshjen pa bonuse, mirëpo me pagesë prej 7 milionë euro në vit, andaj menjëherë do rikthehet në Milan.

38-vjeçari ka impresionuar të gjithë që nga janari dhe drejtori sportiv Paolo Maldini, ka konfirmuar se rinovimi me suedezin është prioritet i skuadrës italiane.

Zlatan ka kontribuar me 10 gola në 18 ndeshje në Seria A dhe i ndihmoi skuadrës të ndërtojë një super formë prej 13 ndeshjeve pa humbje./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm