Zyrtari i lartë i Organizatës Botërore të Shëndetësisë (OBSH) në Evropë ka paralajmëruar që koronavirusi është një tornado me bisht të gjatë dhe tha se rritja e rasteve në mesin e të rinjve në fund mund të përhapet tek më të moshuarit më të prekshëm – dhe të shkaktojë një sulm të shpejtë të vdekjeve.

Dr Hans Kluge tha që të rinjtë ka të ngjarë të vijnë në kontakt më të afërt me të moshuarit pasi moti ftohet në Evropë, duke rritur mundësinë e përhapjes tek më të prekurit, transmeton portali arbresh.info.

“Ne nuk duam të bëjmë parashikime të panevojshme, por kjo është padyshim një nga opsionet – që në një moment të ketë më shumë shtrime në spital dhe një goditje në vdekshmëri”, tha ai nga Kopenhaga, selia e OBSH-së në Evropë.

Ai këmbënguli se “askush nuk është i pathyeshëm”, por aludoi në faktin se shumica e vdekjeve nga koronavirusi janë ndër të moshuarit.

“Mund të jetë që të rinjtë me të vërtetë nuk do të vdesin prej saj, por është një tornado me bisht të gjatë dhe është një sëmundje shumë-organesh,” tha ai.

Kluge tha se 32 nga 55 shtete dhe territoret në rajonin evropian të OBSH-së kanë regjistruar një rritje të normës së incidencës 14-ditore mbi 10%, duke e quajtur atë “definitivisht një ngritje që përgjithësohet në Evropë”.

Por ai gjithashtu sugjeroi që autoritetet shëndetësore dhe zyrtarët e tjerë janë të pozicionuar më mirë dhe më të përgatitur sesa në shkurt – kur kontinenti ishte në prag të një rritje të madhe të rasteve.

Ai tha se vjeshta paraqiti një “situatë të ndërlikuar” për shkak të rihapjes së shkollave, fillimit të sezonit të gripit dhe rritjes së vdekshmërisë midis njerëzve të moshuar në muajt e dimrit në përgjithësi./arbresh.info/