Timoshenko rezultoi pozitiv me Covid-19, bëhet për respirator

15:11 | 25 Gusht 2020
Arditë Shkodra

Ish-kryeministrja ukrainase, Yulia Tymoshenko, e cila ishte në gjendje të rëndë për shkak të infeksionit të coronavirusit, raportohet se është lidhur për një respiratori dhe gjendja e saj tani është e qëndrueshme, shkruan APA.

Gjendja shëndetësore e politikanes ukrainase ishte kritike, ku temperatura nuk i binte nën 39 gradë, kështu që mjekët vendosën ta lidhin për një respiratori, transmeton Telegrafi.

Vajza e saj, Eugenia dhe dhëndri, Arthur Chechotkin janë gjithashtu të infektuar me COVID-19, por ata kanë një formë më të butë të infeksionit.

Timoshenko, 59 vjeç, e cila ishte kryeministre dy herë para se të humbiste zgjedhjet presidenciale të vitit 2010, u bë politikania e parë e lartë ukrainase që u infektua me virus.

Ka pasur një rritje të numrit të infeksioneve në Ukrainë këtë javë, ku 1658 raste të reja janë raportuar gjatë ditës së sotme.

Ndryshe, numri i përgjithshëm i infeksioneve ka arritur në shifrat e 108.415 gjersa numri i vdekjeve 2.318.

Shpërndaje në rrjete sociale

Lajmet më të lexuara

Të ngjashme

Foto lajm