Google ADS

Cristiano Ronaldo nuk largohet nga Juventus-i, qëllimi mbetet Liga e Kampionëve

17:53 | 23 Gusht 2020
Arbresh Info

Ylli i Juventus-it, Cristiano Ronaldo është i gatshëm që të rikthehet në Torino, që të nis sezonin e tretë.

Pas eliminimit nga Lyon-i në Ligën e Kampionëve ka pasur raportime që portugezi mendonte largimin, mirëpo kjo nuk është e vërtetë, transmeton portali arbresh.info.

Pas 16 ditëve pushim Ronaldo do rikthehet te “Zonja e Vjetër” dhe të punojë nën urdhrat e Andrea Pirlo-s, me të cilët synon Ligën e Kampionëve.

Juventus-i e transferoi para dy viteve Ronaldo-n nga Real Madrid-i për 100 milionë euro, duke i ofruar kontratë katërvjeçare dhe shitja e tij vetëm pas dy sezoneve shihet si dorëzim.

Andaj, Juventus-i e ka bërë të qartë se do vazhdojë me pesë herë fituesin e Topit të Artë dhe ka bërë gati projektin e ri, për të cilin Ronaldo është i hapur.

Mbetet të shihet nëse edicionin e ardhshëm gjigantit italian do t’i realizohet ëndrra dhe të fitojë trofeun me prestigjiozë në botë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm