Talat Xhaferi pas zgjedhjes kryetar i Kuvendit me të cilin e fitoi edhe një mandat katërvjeçar për spiker të Dhomës Ligjvënëse, i falënderoi për besimin 62 deputetët të cilët u ndalën pas zgjedhjes së tij por edhe deputetë e opozitës të cilët, tha, dhanë kontributin e tyre për pasurimin e debatit demokratik ndërsa të cilët votuan kundër gjegjësisht me abstenim.

Fjalimi i tij  i plotë:

“Unë mbetem konsistent në qëndrimet e mia edhe gjatë periudhës së ardhshme do të jem kryetar për të gjithë 120 deputetët, pavarësisht nëse kanë votuar pro apo kundër ose nuk kanë votuar fare. Gjithsesi, kjo do të jetë periudhë e sfidave për shumicën parlamentare ndërsa edhe për opozitën. Të gjithë ne në debate duhet ta pasurojmë jetën parlamentare demokratike të vendit dhe të kontribuojmë në mënyrë edukative për të gjitha gjeneratat e ardhshme që do të vijnë këtu në Kuvend. Pres diskutime konstruktive në Dhomën Ligjvënëse”, deklaroi Xhaferi pas përfundimit të seancës konstituive.

I pyetur lidhur me komunikimin e tij me mediat gjatë koronavirusit, Xhaferi tha se bashkëpunim dhe komunikim do të ketë aq sa do të lejojnë masat për parandalimin e përhapjes së koronavirusit, por se ai nuk do të mungojë.

“Do të vazhdojmë me komunikimin, nëse jo plotësisht atëherë me metoda të ndryshuara të komunikimit përmes mjeteve për lidhje, do të thotë telefona dhe mundësi të tjera që i ofron teknika, ndërsa mbase edhe përmes kabinetit dhe përfaqësuesve të kabinetit. Kështu që nuk do të mungojë komunikimi ynë ashtu siç ishte vendosur”, porositi kryetari i ri dhe i vjetër i Parlamentit.

Xhaferi njëherësh shprehu falënderim për shërbimet e Kuvendit për përgatitjen e seancës konstituive dhe për respektimin e masave për mbrojtje nga virusi Kovid-19 por edhe për punonjësit shëndetësorë në vend të cilët çdo ditë ballafaqohen me këtë pandemi.