Mjekët rusë thonë se figura opozitare Alexei Navalny – mbështetësit e të cilit besojnë se ai ishte helmuar, mbetet në gjendje shumë të rëndë për t’u transferuara në Gjermani për trajtim.
Navalny është në gjendje kome që nga e enjtja kur u sëmurë gjatë udhëtimit. Mbështetësit e tij e quajtën vendimin e mjekëve një kërcënim direkt për jetën e tij, transmeton portali arbresh.info.
Doktorët thonë se nuk është gjetur helm në trupin e tij.
Kritiku i njohur i presidentit Vladimir Putin në mënyrë të vazhdueshme ka ekspozuar korrupsionin e zyrtarëve në Rusi.
Ai ka mbajtur disa dënime me burg.
Ekipi i tij dyshon se një substancë helmuese është hedhur në çajin e tij në kafenenë e aeroportit në qytetin e Tomskit kur ai po përgatitej të udhëtonte për në Moskë.
Mjekëve gjermanë tani u është dhënë qasje tek ai në spital, u tha një prej ndihmësve të tij gazetarëve.
Në një konferencë shtypi në Berlin, Leonid Volkov tha se një aeroplan i pajisur mjekësor i dërguar nga Gjermania ishte akoma duke e pritur atë në qytetin siberian Omsk, ku ai është në spital.
Në një diagnozë paraprake të premten, mjekët thanë se gjendja e tij mund të jetë rezultat i një “çrregullimi metabolik” të shkaktuar nga sheqeri i ulët në gjak.
Kreu mjek në spitalin që mjekonte z. Navalny në Omsk në Siberi tha se pacienti ishte shumë i paqëndrueshëm për t’u transferuar dhe se pyetjet ligjore do të duhet të zgjidhen para çdo lëvizje.
Ekipi i Navalny tha që ishte “vdekjeprurëse” që ai të mbetej në spital./arbresh.info/
Luiz Ejlli vjen me këngën e re “Picirruke”
I dyshuari për atentatin ndaj Trumpit la një letër që tregon...
Sarrazin folës në Forumin Ekonomik Gjermano-Kosovar
“Përfundove nga tenor në dasmaxhi”, reagon Maestro: Hodha në...
Enis Zabërgja njofton pensionimin nga futbolli aktiv
Vuçiq thotë se do të dekorojë përfaqësuesit e shteteve që vo...