Shkodra u trondit mbrëmjen e 17 gushtit nga të shtënat me kallashnikov, një prej të cilëve i mori jetë Gledis Krajës, vetëm 23 vjeç.

Ngjarja e rëndë u regjistrua në lagjen “Qafardhi”, fare afër banesë së të riut, ndërsa në kërkim u shpall Sebastian Smakaj, ish kampion i Taekwondo, shok me viktimën.

Edhe pse u dergua me urgjencë në spitalin rajonal të Shkodrës, plumbi i marrë, nga 14 të shtënat i shkaktoi vdekjen ish futbollistit të moshave në ekipin e Vllaznisë.

Gledis mund te jete vrarë gabimisht- Motivet e ngjarjes mbeten ende mister pasi i riu banues në lagjen “Perash”, pak metra larg vendit të ekzekutimit, nuk njihej si njeri problematik.

Dyshohet se i riu mund të jetë vrarë gabimisht, dhe shënjestra të ketë qenë një person tjetër. Por, ajo çfarë shihet nga vendi i ngjarjes është se makina është bërë shoshë nga plumbat.

Sigurohen kamerat- Grupi hetimor dhe drejtues te policise nisën hetimet për ngjarjen, ku bënë marrjen në pyetje të dëshmitarëve dhe verifikuan kamerat e sigurisë të subjekteve përreth.

Ish kampioni i Taekwondo ne kerkim – Policia ka arritur të identifikojë autorin e dyshuar, që sipas burimeve policore është Sebastian Smakaj, ish kampion i Taekwondo.

Bashkë me të policia shpalli në kerkim edhe një person të dyte qe e ka ndihmuar te largohet nga vendi ngjarjes pas krimit. Ne vendngjarje u gjetën 14 plumba./oranews