Lukashenko: Nuk nevojitet ndërmjetësim i huaj në protestat zgjedhore

20:41 | 15 Gusht 2020
Arbresh.info

Vendet e tjera nuk kanë nevojë të shqetësohen duke u përpjekur të dërgojnë ndërmjetësues për të ndihmuar në zgjidhjen e trazirave, që kanë shpërthyer në Bjellorusi, që nga zgjedhjet e diskutueshme fundjavën e kaluar, tha sot presidenti bjellorus, Alexander Lukashenko.

“Ne kemi një qeveri që është krijuar në përputhje me kushtetutën. Nuk kemi nevojë për qeveri të huaja, as ndërmjetësues,” tha ai gjatë një takimi me anëtarët e ushtrisë, sipas agjencisë shtetërore të lajmeve Belta.

Duke vënë në dukje se protestuesit po përgatiten për një ditë tjetër protestash, Lukashenko theksoi se kjo gjë nuk do të ndryshonte gjë dhe se ushtria ka kapacitete të mjaftueshme për të mbrojtur veten, familjet e saj dhe për të garantuar sigurinë e shtetit./atsh/

Shpërndaje në rrjete sociale

Lajmet më të lexuara

Të ngjashme

Foto lajm