Bashkimi Evropian (BE) përshëndeti marrëveshjen midis Izraelit dhe Emirateve të Bashkuara Arabe (EBA) për të normalizuar marrëdhëniet, transmeton Anadolu Agency (AA).
“Normalizimi i marrëdhënieve do të jetë fitimprurës për të dy palët dhe është i rëndësishëm për stabilitetin rajonal”, tha para gazetarëve Nabila Massrali, zëdhënësja për politikë të jashtme e Komisionit Evropian.
“BE-ja është e angazhuar për një zgjidhje dyshtetërore dhe është e gatshme të punojë për rifillimin e negociatave midis izraelitëve dhe palestinezëve”, shtoi ajo.
Sipas marrëveshjes, e cila u ndërmjetësua nga Shtetet e Bashkuara, Izraeli dhe EBA ranë dakord të normalizojnë marrëdhëniet, ndërsa Izraeli u zotua që “përkohësisht” të pezullojë planin e tij të aneksimit të Bregut Perëndimor të pushtuar.
EBA u bë vendi i tretë arab që firmosi marrëveshje paqeje me Izraelin pas Egjiptit në vitin 1979 dhe Jordanisë në vitin 1994.
T’i mbijetosh dimrit me vitaminën D
Tiranë/ Policia operacion kundër lojërave të fatit, kapen di...
OKB: Viti 2024 më vdekjeprurësi për punonjësit e ndihmave hu...
Deklaratat befasuese të Oltës dhe Milaimit rreth afërsisë me...
KEK-u deklaron se performanca e këtij viti është dukshëm më ...
Sara apo Edi: Cili nga këta dy banorë e ngjalli Drilonin në ...
Skip to content
