Google ADS

Pacolli për miratimin e Projektligjit për Pandeminë: Duhej të ishte operativ prej kohësh

19:31 | 7 Gusht 2020
Arbresh.info

Është miratuar Projektligji për Pandeminë Covid-19 në Kuvendin e Kosovës.

E këtë gjë e ka mirëpritur deputeti dhe njëherësh presidenti i AKR-së Behgjet Pacolli, i cili ka thënë se duhej të ishte operativ prej kohësh, shkruan portali arbresh.info.

“Që moti, që kur u propozua, e kam mbështetur miratimin konsensual të projektligjit Anti-Covid me Nismën e Kryetares së Kuvendit, Vjosa Osmani. Ndaj jam i inkurajuar nga fryma bashkëpunuese e krejt grupeve parlamentare të shumicës dhe opozitës. Pandemia duhet adresuar me mjete të reja lufte dhe ndaj ky ligj duhet të ishte operativ prej kohësh. Është nga ato momentet kur ne i dëftejmë pjekurinë tonë qytetarëve tanë, miqve perëndimorë, pse jo dhe atyre që nuk ja duan të mirën Kosovës. Uroj që kjo frymë të vijojë dhe për ligje të tjera, për Dialogun me Serbinë, për qendrimin ndaj Gjykatës speciale, etj”, thuhet në shkrimin e Pacollit.

Kujtojmë se projektligji u miratua me 77 vota pro, një kundër dhe asnjë abstenim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm