Kombëtarja e Kosovës do të forcojë edhe më shumë sulmin në prag të eliminatoreve të ardhshme evropiane. Nga Federata e Futbollit të Kosovës informojnë se kanë nisur procedurën e pajisjes me dokumentacion e duhur për Edi Sylisufaj, i cili luan për skuadrën e Falkenbergsit.
“FFK tashmë ka filluar procedurat rreth rregullimit të dokumenteve të nevojshme për lojtarin dhe nëse gjithçka kryhet me kohë, atëherë ai do të mund të paraqitet në fanellën dardane qysh në shtator në ndeshjen kundër Anglisë U21 në Prishtinë, teksa shumë shpejt mund ta shohim edhe në fanellën e Kombëtares A, ngase bëhet fjalë për një sulmues tejet të spikatur“, thuhet në njoftimin e Federatës së Futbollit të Kosovës.
20-vjeçari i lindur në Suedi është duke shkëlqyer në fanellën e Falkenbergsit në këtë edicion, ku ka shënuar 5 gola prej se ka nisur elita e futbollit suedez në muajin qershor.
Ai më parë ka qenë edhe pjesë e Kombëtares U17 të Suedisë, derisa vlerësohet si njëri nga futbollistët më të talentuar.
Osteoporoza, shtohet një tjetër faktor rreziku
A kërcënohet demokracia pas zgjedhjeve në Austri?
“Mjeshtri” Flick brenda katër ditëve deklasoi Bayernin dhe R...
“Flas me gjethen” nga Endrit Krasniqi, shpallet kënga fitues...
ShBA pritet t`i shesë Tajvanit armatime të reja
Si të dini që mashkulli dëshiron vetëm flirt: Gjuha e trupit...