Google ADS

Zv. kryeministrja e Kosovës me tri shtëpi e dy vetura, por vetëm 35 euro të kursyera

11:26 | 6 Gusht 2020
Arbresh.info

Zëvendëskryeministrja e Qeverisë së Republikës së Kosovës, Albulena Balaj-Halimaj ka pasuri afër 1.5 milionë euro.

Ajo në deklarimin e pasurisë të bërë në Agjencinë kundër Korrupsionit ka bërë të ditur se kjo pasuri është në pronësi të përbashkët, shkruan arbresh.info.

Balaj-Halimaj ka tri shtëpi, njërën në vlerë 220 mijë euro me sipërfaqe prej 210.00 m2, e blerë nga kursimet në vitin 2007.

Njërën me sipërfaqe prej 250 m2 në vlerë 75 mijë euro, dhe një tjetër 39 mijë euro.

Një tokë në vlerë 760 mijë euro, dhe një tjetër në vlerë 280 mijë euro.

Gjithashtu në pronësi të përbashkët ka deklaruar edhe dy vetura, njërën në vlerë 8 mijë euro dhe një tjetër 5 mijë euro.

Ajo ka aksione edhe në katër shoqëri komerciale.

Ndërsa, para të gatshme të mbajtur në institucionet financiare Balaj-Halimi ka vetëm 35.94 euro, ndërsa bashkëshorti i saj ka 530 euro. Ajo ka edhe një kredi në vlerë 25 mijë euro./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm