Real Madrid e huazon Kubon te skuadra e La Ligas

11:08 | 6 Gusht 2020
Arbresh.info

Talenti 19-vjeçar i Realit të Madridit, Takefusa Kubo do të vijojë të qëndrojë larg kryeqytetit spanjoll për të paktën edhe një sezon tjetër, pasi drejtuesit e “Los Blancos” kanë vendosur ta huazojnë sërish.

I ardhur te madrilenët një vit më parë, Kubo u huazua menjëherë te Mallorca, ku bëri paraqitje mjaft të mira dhe arriti të koleksionojë plot 35 ndeshje e të shënojë 4 gola në eksperiencën e tij të parë në La Liga.

Por rënia e Mallorcës në Segunda Division bëri që drejtuesit e Realit të merrnin sërish mbrapsht talentin japonez, këtë herë për ta huazuar te skuadra e Villarealit, e cila do të luajë në Europa League dhe ka marrë një trajner me mjaft eksperiencë si Unai Emery.

I lindur në qershor të 2001-shit, sulmuesi anësor japonez po rritem me shpejtësi dhe nëse ia del të luajë rregullisht edhe te Villareali, shumë shpejt mund të vihet nën urdhrat e Zinedine Zidane te Reali i Madridit.

Shpërndaje në rrjete sociale

Lajmet më të lexuara

Të ngjashme

Foto lajm