Google ADS

LSDM thotë se kanë filluar bisedimet serioze për formimin e Qeverisë

12:15 | 5 Gusht 2020
Arbresh.info

LSDM bëri të ditur përmes një komunikate se kanë filluar bisedimet serioze me liderët e partive politike dhe grupet e punës për mandat të plotë katërvjeçar të një shumice stabile në Kuvend dhe formimin e Qeverisë, e cila do të lëviz shpejt drejt rrugës evropiane, ekonomisë dhe drejtësisë.

Më tej thuhet se po bisedon për një Qeveri që do të luftojë krimin dhe korrupsionin në të gjitha nivelet, spastrimin e gjyqësorit dhe verifikimin e origjinës së parave dhe kapitalit të çdo funksionari.

LSDM nënvizon se do të sjellë reforma serioze në administrate, por edhe zvogëlimin e saj për 20%, me më pak ministri dhe racionalizim të shërbimeve publike.

“Qeveria për të cilën po bisedojmë në vend të parë nga agjenda evropiane dhe qytetare do ta ketë ekonominë për vazhdimin e rritjes së rrogave, investime tek të rinjtë dhe zhvillim të barabartë rajonal, përkujdesje për të varfrit si dhe projekte tjera”, thekson LSDM.

Shpërndaje në rrjete sociale

Lajmet më të lexuara

Të ngjashme

Foto lajm