Për tre muaj në Kosovë, trenin e kanë shfrytëzuar afër 7 mijë qytetarë.

Gjatë periudhës prill-qershor të 2020-es, numri i udhëtareve është zvogëluar për 76.85 %, shkruan arbresh.info.

Kjo rënie ka ardhur pas vendimit të Qeverisë së Kosovës për ndërprerjen e transportit të udhëtareve si masë mbrojtëse për parandalimin e përhapjes së Covid 19.

Agjencia e Statistikave të Kosovës (ASK) në raportin e publikuar “Statistikat e Transportit dhe Telekomunikimit” për TM2 2020 ka njoftuar gjithashtu se rënie ka pësuar edhe transporti i mallrave me tren.

“Në tremujorin e dytë të vitit 2020, numri i pasagjerëve që kanë shfrytëzuar trenin si mjet udhëtimi është rreth 7 mijë, krahasuar me tremujorin e dytë të vitit 2019, numri i udhëtareve është zvogëluar për 76.85 %, si rezultat i vendimit te Qeverise ne muajin Mars me masat e ndërmarra ne luftimin e COVID-19 , për ndërprerjen e transportit të udhëtareve. Transporti i mallrave me tren në tremujorin e dytë të vitit 2020 është rreth 144 mijë ton, krahasuar me tremujorin e dytë të vitit 2019 kemi ulje për 5.70 %”, thuhet në publikim

Aty gjithashtu thuhet në Kosova ka gjithsej 333 km binar hekurudhor për transport.

“Në territorin e Kosovës kemi gjithsej 333 km binar hekurudhor për transport. Në hekurudhat e Kosovës qarkullojnë gjithsej 9 lokomotiva, prej tyre shtatë Disell dhe dy trena motorik. Lokomotivat bartin 10 vagonë për udhëtarë dhe 1420 vagonë për mallra”, thuhet në këtë publikim.

Vendimi i Qeverisë së Kosovës për ndalimin e transportit ka ‘goditur’ edhe aeroportin e Prishtinës.

E, kjo ka shkaktuar që numri i fluturimeve të zvogëlohet për afër 97% krahasuar me vitin e kaluar.

Gjatë periudhës prill-qershor 2020, nga ky aeroport janë kryer vetëm 94 fluturime, ndërsa numri i udhëtarëve që kanë shfrytëzuar aeroplanin si mjet transporti ishte rreth 19 mijë, shkruan arbresh.info.

Ndërsa, krahasuar me tre mujorin e dytë të 2019-es, kemi ulje për 96.79%./arbresh.info/

Pandemia ‘godet’ aeroportin, vetëm 94 fluturime për tre muaj