Skip to content
Vetëm sot, në vendin tonë u shënuan edhe 224 raste pozitive si dhe nëntë viktima, shkruan lajmi.net.
Në përgjithësi, java që po lëmë pas ka qenë më tragjikja që nga paraqitja e rastit të parë me COVID-19.
Nga e hëna, 27 korrik e deri sot, në Kosovë janë shënuar hiç më pak se 51 viktima.
Të hënën, numri i të vdekurve nga virusi në Kosovë ishte 185, teksa sot ky numër ka arritur në 236.
Si rrjedhojë e situatës, qeveria e Kosovës këtë javë ka ashpërsuar masat kundër përhapjes së virusit, përcjellur dështimin e përmirësimit të situatës nga vendimet paraprake.
Ministri i Shëndetësisë, Armend Zemaj, ka paralajmëruar se në Kosovë do të ndërtohet një spital i përkohshëm që do të trajtojë vetëm pacientët e infektuar.
Ndryshe, numri total i rasteve pozitive me COVID-19 në Kosovë ka arritur në 8 mijë e 554, 3 mijë e 588 prej të cilave janë ende aktive. /Lajmi.net/.
