Google ADS

Policia sërish në terren, tensione për ujësjellësin në Siniçan të Bogovinës

14:22 | 30 Korrik 2020
A. B.

Policia e Maqedonisë ka dalë sërish në fshatin Siniçan të Komunës së Bogovinës, pasi siç thonë, kanë marrë informacione për vepër penale “ndërtim pa leje”.

Zëdhënësi i MPB-së Toni Angellovski, sot deklaroi se prania e zyrtarëve policorë në vendin ku kanë filluar aktivitetet për ndërtimin e ujësjellësit, është në funksion të sigurimit të rendit dhe paqes publike.

“Detyra jonë është që të pengohet prishja e rendit dhe qetësisë publike në atë lokacion, që të mos ketë pasoja më serioze”, tha Angellovski.

Ai shtoi se si në çdo rast tjetër kanë bashkëpunim me prokurorinë, e cila është duke e hetuar rastin.

Ndryshe, edhe sot banorët e Siniçanit së bashku me kryetarin e Bogovinës Albon Xhemaili, kanë dalë në vendin ku kryhen punime, ndërsa ka pasur tensione me banorët e fshatit Urviç, të cilët pretendojnë se ujësjellësi ju takon atyre./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm