Komisioni mbështet unanimisht Projektligjin për parandalimin dhe luftimin e COVID-19

18:15 | 29 Korrik 2020
Arbresh Info

Komisioni për Shëndetësi dhe Mirëqenie Sociale, nën kryesimin e Albena Reshitajt, kryetare, ka mbajtur sot mbledhjen e radhës, në të cilën ka shqyrtuar Projektligjin për parandalimin dhe luftimin e Pandemisë COVID-19 në territorin e Republikës së Kosovës.

Projektligji është iniciuar nga kryetarja e Kuvendit, Vjosa Osmani, me mbështetjen e pesë deputetëve të tjerë.

Kryetarja e komisionit, Reshitaj, pasi shfaqi shqetësimin e saj për gjendjen e rëndë në të cilën gjendet vendi ynë, si rezultat i pandemisë COVID-19, këtë iniciativë ligjore e konsideroi të një rëndësie të veçantë.

Në vazhdim, anëtarët e komisionit, gjatë diskutimeve të tyre theksuan nevojën urgjente për përshpejtimin e procedurave, në mënyrë që ky projektligj të miratohet sa më shpejt.

Pas diskutimeve, me dakordimin e të gjithë anëtarëve të komisionit, projektligji në fjalë u përkrah në parim, duke u proceduar tutje për shqyrtim në seancë plenare.

 

Shpërndaje në rrjete sociale

Lajmet më të lexuara

Të ngjashme

Foto lajm