Bill Gates i lindur më 28 tetor 1955 në Shtetet e Bashkuara është njëri prej njerëzve më të pasur në botë. Ai është bashkëthemelues i kompanisë Microsoft dhe një filantrop i famshëm.

Ai dhe gruaja e tij Melinda kanë dhuruar diku rreth 30 miliardë dollarë për shoqatat bamirëse në mbarë botën.

Prandaj në ditëlindjen e tij të 60-të ju sjellim disa fakte më pak të njohura për miliarderin.

1. Gjatë vitit të tretë në Shkollën Lakeside Prep, Gates krijoi programin e tij të parë kompjuterik. Ai e krijoi një version të një loje ku kompjuteri luante kundër përdoruesit.
2. Ai mori 1590 pikë nga 1600 sa janë gjithsej në testin SAT, i cili i siguroi atij një vend në Kolegjin Harvard në vitin 1973.
3. Derisa po studionte në Harvard, Gates dhe shoku i tij i shkollës së mesme Paul Allen nisën të punojnë në një version të një gjuhe programuese të quajtur BASIC. Gates e la fakultetin vetëm pas dy vitesh dhe themeloi Microsoft-in.
4. Në vitin 1975, Gates dhe Allen nisën kompaninë Micro-soft në një apartament të marrë me qira në Albuquerque të Nju Meksikos. Ata e regjistruan kompaninë në vitin 1977.
5. Gates nënshkroi kontratë bashkëpunimi me gjigantin e kompjuterëve IBM, i cili kompjuterëve të tij ua bëri sistemin operues MS-DOS.
6. Bill Gates është miliarderi më i ri i vetëbërë. Ai ishte vetëm 31 vjeç kur e mori këtë titull.
7. Ai ka qenë njeriu më i pasur në botë për dekada. Pasuria e tij vlerësohet se është mbi 80 miliardë dollarë.
8. Bill Gates dhe gruaja e tij Melinda themeluan Fondacionin Bill dhe Melinda Gates në vitin 2000. Ky fondacion ka dhuruar më shumë se 34.5 miliardë dollarë në mbarë botën.