Google ADS

12-vjeçarja rezulton pozitiv me Covid-19, izolohet gjithë fshati

00:16 | 29 Korrik 2020
Arditë Shkodra

Një fshat i vogël spanjoll është izoluar plotësisht pasi një 12-vjeçare ka rezultuar e infektuar me Covid-19. Mediat lokale raportojnë se bëhet fjalë për fshatin Sotillo de las Palomas.

Kryetari i komunës deklaroi se shumica e banorëve të këtij fshati janë të moshuar dhe janë në kategorinë e riskut të lartë, e rrjedhimisht ka ardhur dhe kjo masë e menjëhershme.

Ai u ka kërkuar të gjithëve banorëve të qëndrojnë në shtëpi të paktën dhjetë ditë.

Ende nuk dihet se cili ka qenë kontakti i të miturës, përmes të cilit ajo është infektuar, teksa ka nisur hetimi epidemiologjik.

12-vjeçara, e cila është izoluar në banesë, ndodhet në gjendje të mirë shëndetësore.

Deri më tani shifrat e Spanjës tregojnë për 6.361 raste të reja infektimi që nga e premtja. Vendi tashmë ka regjistruar 278782 të infektuar dhe 28434 viktima.

Shpërndaje në rrjete sociale

Lajmet më të lexuara

Të ngjashme

Foto lajm