Ish pompa e benzinës shndërrohet në kënd rekreacioni për vushtrriasit

20:36 | 28 Korrik 2020
Arbresh Info

Kryetari i komunës së Vushtrrisë, Xhafer Tahiri, ka bërë të ditur se një hapësirë që ishte e braktisur dhe e shkatërruar do të shndërrohet në një kënd rekreacioni për banorët e kësaj komune.

Sipas Tahirit, komuna ka marrë përsipër që të rregulloj këtë hapësirë, me ç’rast do të ndërtohet një fushë basketbolli, tabelë shahu, ndriqim e gjelbërim për vushtrriasit.

“Edhe një hapësire publike në qendër të qytetit po rregullohet.

Ish pompa e benzinës, e braktisur dhe e demoluar, prapa ish Migros përbënte rrezik të përgjithshëm për banorët aty.

Prandaj, Komuna po e rregullon këtë hapësire, duke larguar rezervuarët e rrezikshëm e ku më pas do të ketë fushë basketbolli , tabelë shahu ♟, gjelbërim , ndriqim  dhe më shumë siguri për banorët”, tha ai.

 

Shpërndaje në rrjete sociale

Lajmet më të lexuara

Të ngjashme

Foto lajm