Gjatë fundjavës në Kosovë pritet të mbajë mot i ndryshueshëm.

Temperaturat do të shënojnë rënie të lehtë dhe me reshje shiu, shkruan portali arbresh.info.

Kurse sipas Prishtina Weather javën e ardhshme do të jetë me vapë afrikane me temperatura deri në 35 gradë celsius.

24.07.2020 – Në ditët e fundjavës, rajoni ynë do të jetë nën ndikimin e fushave të presionit të ulët, që kushtëzojnë mot të paqëndrueshëm, me mundësi të zhvillimeve të rrebesheve të shiut dhe bubullima. Temperaturat do të pësojnë një rënie të lehtë përreth vlerave mesatare.
Javën e ardhshme shtrirja e një kreshte barike nga Afrika veriore, do sjell vapën afrikane mbi vendin tonë, duke rritur temperaturat maksimale edhe mbi 35C.
Indeksi i rrezeve UV mbetet në vlera shumë të larta, ndaj dhe orëve të mesditës këshillohet që t’i shmangemi ekspozimit më të gjatë në diell.

25.07 – Nxehtë dhe pjesërisht vranët. Në mëngjes mundësi për mjegull në ultësira. Pasdite priten rrebeshe shiu me bubullima. Më vonë gjatë natës mundësi për reshje lokale shiu.
26.07 – Vransira dhe intervale me diell. Në mëngjes në ultësira mundësi për mjegull/vransira të ulëta. Ditën mundësi për reshje lokale shiu.
27.07 – Paradite pjesërisht vranët, ditën më shumë diell.
28.07 – Kthjellët dhe më nxehtë.
29.07 – Shumë nxehtë, kthjellët dhe me diell.

Temperaturat minimale do të luhaten nga 14C deri në 17C, e maksimalet në fundjavë do të zbresin deri në 28C, e ditëve të para të javës së ardhshme do të rriten deri në 35C.
Era do të fryejë e lehtë dhe mesatare drejtimesh të ndryshme 3-10m/s.
Shtypja atmosferike pëson rënie të lehtë nën vlera normale, e ditëve të para të javës së ardhshme në rritje./arbresh.info/