Numri i të infektuarve me koronavirus në Maqedoninë e Veriut është në rritje. Pavarësisht kësaj, tash e tre ditë, qytetarët po votojnë për zgjedhjet parlamentare të parakohshme.
Më 13 korrik, votuan të prekurit nga koronavirusi, më 14 korrik të sëmurët, të moshuarit e të burgosurit, transmeton KOHA.
Ndërkaq, votimet e përgjithshme u mbajtën të mërkurën, ku të gjithë qytetarët u obliguan të mbajnë maska e distancë sociale.
Vendvotimet u hapën në orën 7 të mëngjesit, e deri në orën 17, numri i pjesëmarrjes ishte rreth 39 %.
Gjatë ditës votuan edhe udhëheqësit e partive shqiptare në Maqedoninë e Veriut.
Ali Ahmeti, kryetar i Bashkimit Demokratik për Integrim, tha se pret të ketë një fitore absolute.
Sipas Ziadin Selës, pjesa shqiptare e pushtetit ka ushtruar presion mbi qytetarët.
Ndërkaq, Bilall Kasumi, kryetar i Lëvizjes BESA, bëri thirrje për zgjedhje të drejta e demokratike.
Ndërsa, Menduh Thaçi i Partisë Demokratike të Shqiptarëve tha se ka vështirësi për të dalë e për të votuar.
Votimet po zhvillohen në gjashtë njësi dhe në secilën prej tyre zgjidhen nga 20 deputetë apo në total 120, sa numëron Kuvendi i Maqedonisë së Veriut.
Në garë janë 15 parti politike dhe koalicione.
Vendvotimet pritet të mbyllen në orën 21.
“Hyrrem” transformohet nga Sellma, shikoni paraqitjen mahnit...
Thaçi qeshet kur Geci flet për puthjen e dorës që pretendon ...
Britania do t’i japë Ukrainës 2.4 miliardë dollarë hua për b...
Asani fantastik, dy gola për tre minuta
Gerti mohon spekulimet: Ish e dashura ime dëshiron të përfit...
Meksika do të ndëshkojë drejtorët e shkollave nëse nuk heqin...