Google ADS

Shqipëri: Rritje e lehtë e çmimeve në qershor, inflacioni llogaritet 1,8%

17:00 | 8 Korrik 2020
Arbresh.info

Inflacioni, që mat ndryshimin vjetor të çmimit të mallrave, llogaritet 1,8 për qind gjatë muajit qershor.

INSTAT publikoi sot Indeksin e Çmimeve të Konsumit sipas të cilit, ndryshimi vjetor i indeksit të çmimeve të konsumit në muajin qershor 2020 është 1,8%. Një vit më parë ky ndryshim ishte 1,3%.

Referuar INSTAT, rritja vjetore e çmimeve në muajin qershor është ndikuar kryesisht nga ushqimet dhe pije joalkoolike me +1,51% pasuar nga grupi “qira, ujë, lëndë djegëse dhe energji” me 0,30%.

Edhe çmimet e grupit “mobilie, pajisje shtëpie dhe mirëmbajtje e shtëpisë” dhanë kontribut pozitiv prej 0,12%.

Krahasuar me muajin maj të këtij viti, çmimet e grupit “ushqime dhe pije joalkoolike” u ulën me 1,5%, pasuar nga grupet “qira, ujë, lëndë djegëse dhe energji” me 0,2% dhe “transporti” me 0,1 %./atsh

 

Shpërndaje në rrjete sociale

Lajmet më të lexuara

Të ngjashme

Foto lajm