Bedri Hamza kërkon sqarim për rënien ekonomike prej 3% kur të hyrat do të bien deri në 13%

10:58 | 8 Korrik 2020
Arbresh.info

Ministrja e Financave, Hykmete Bajrami në Komisionin për Buxhet dhe Transfere ka bërë të ditur se presin që rënia ekonomike gjatë këtij vitit në Kosovë të jetë 3%.

Bajrami ka shtuar gjithashtu që vitin e ardhëm ngritja ekonomike do të arrij në 5%, shkruan arbresh.info.

“Këtë vit ne presim që të kemi rënie ekonomike prej -3% por presim që të ketë rritje në vitin 2021 prej 5% “, ka thënë ajo.

E ndaj kësaj ka reaguar anëtari i këtij komisioni, Bedri Hamza.

Ai ka kërkuar sqarim si mund të ketë rënie ekonomike 3% kur të hyrat do të bien deri ne 14%.

“Nëse thuhet se rënia ekonomike do të jetë -3 dhe të hyrat në buxhet do të jenë -13-14, ne shohim një diskrepancë. Ne duam të dimë se sa kanë qenë minuset deficitet me 30.06 edhe te pagat edhe transferet sociale”, ka thënë ai.

Kujtojmë që rënie më të madhe ekonomike se 3% ka parashikuar edhe Banka Qendrore e Kosovës dhe Banka Botërore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm