Bordi Drejtues i Shërbimit Spitalor dhe Klinik Universitar të Kosovës, ka shkarkuar Drejtorin e Përgjithshëm, Basri Sejdiun.
Vetë Sejdiu mohon të ketë qenë i njoftuar për shkarkimin e tij, deri më sot kur iu dha vendimi atij dhe i njëjti u bë publik.Ai në një deklaratë dhënë për GazetaBlic, ka vlerësuar se vendimi është i padrejtë, sidomos në këtë kohë të pandemisë.
Ndërsa, shton se do dalë edhe publikisht me një reagim, nesër.
“Nesër do të dalë në konferencë për media dhe do ankohem se është total i padrejtë, në kohë të pandemisë”, ka thënë Sejdiu.
Ai ka deklaruar se nuk është njoftuar paraprakisht për shkarkimin nga pozita.
“Jo absolut jo, jam njoftu sot vetëm me vendim. Nëse e shihni punën deri tash, nuk kam nevojë me komentu, por normal që do të reagoj”, ka thënë Sejdiu.
Ndryshe, më herët Bordi Drejtues i SHSKUK-së ka konfirmuar shkarkimin e Sejdiut duke dhënë arsyetimet.
Shkarkimi vjen si pasojë e performancës jo të kënaqshme dhe mos përmbushjes së detyrave të punës, thuhet në njoftimin e Bordit Drejtues të SHSKUK-së.
Ndërsa, pozitën e Sejdiut do ta zë dr. Valbon Krasniqi, mjek specialist i Infektologjisë./GazetaBlic/
Nesër fillon turi i koncerteve të Sabrina Carpenter, Columbu...
Nesër bëhet hapja solemne e Festivalit Ndërkombëtar “E...
Arteta i ashpër në konferencë për media pas ndeshjes me Man ...
Soja nuk është vetëm për vegjetarianë – Proteinat e sa...
Margot Robbie tregon barkun e rrumbullakosur gjatë një paraq...
Muharrem Jashari asiston në ndeshjen e Cherkasyt