Dalin rezultatet preliminare të zgjedhjeve në Kroaci, HDZ fiton 71 nga 151 ulëset e parlamentit

22:08 | 5 Korrik 2020
Arbresh Info

Rezultatet jozyrtare të Komisionit republikan zgjedhor të publikuara në ora 21.00, tregojnë se partia HDZ fitoi 71 vende në zgjedhjet parlamentare për legjislacionin e dhjetë kroat, ndërsa koalicioni Restart, i udhëhequr nga SDP, fitoi 45 ulëse.

Forca e tretë në Parlament është Lëvizja atdhetare me 16 ulëse, dhe e katërta Most me 4 ulëse.

Koalicioni i majtë i gjelbër i udhëhequr nga Platforma “Ne mundemi” fitoi gjithashtu katër ulëse, transmeton agjencia kroate e lajmeve HINA.

Koalicioni Strip i udhëhequr nga Partia Smart, Reformistët dhe HNS fituan secila nga një mandat.

Rezultatet preliminare janë kumtuar nga 22,95 për qind e vendvotimeve të proceduara, në të cilat votuan 13.31 për qind e qytetarëve.

 

Shpërndaje në rrjete sociale

Lajmet më të lexuara

Të ngjashme

Foto lajm