Google ADS

“Nuk ka vende të lira për pacientë tjerë në Klinikën Infektive”

00:59 | 30 Qershor 2020
Trina Galanxhi

Infektologu, Izet Sadiku, ka folur rreth situatës me koronavirus në Klinikën Infektive në QKUK.

Sadiku në Edicionin Special në Klan Kosova deklaroi se të gjitha kapacitetet e Infektives janë stërmbushur dhe nuk ka vende të lira.

“Sonte si mjek kujdestar mund të them se Klinika Infektive është stërmbushur dhe nuk ka vende të lira për pacientë të tjerë. Janë duke u trajtuar rreth 110 pacientë por numri po ndryshon nga minuta në minutë dhe pothuajse të gjitha kapacitetet tona janë mbushur”.

“60 pacientë janë duke u trajtuar me oksigjeno-terapi dhe gjashtë janë në gjendje të rëndë”, deklaroi Sadiku.

Sadiku mes tjerash kërkoi nga organet qendrore të mbikëqyrin respektimin e masave nga qytetarët.

“Rritja e ditëve të fundit tregon për mos respektim të masave, ani se masat si mbajtja e maskës, distancës dhe higjienës janë masa të lehtë, për këtë besoj se do duhej të bëhej mbikëqyrje rreth respektimit të masave”, deklaroi Sadiku.

Shpërndaje në rrjete sociale

Lajmet më të lexuara

Të ngjashme

Foto lajm