Lajm i keq për dasmat dhe lokalet e natës

14:52 | 29 Qershor 2020
Arbresh.info

Kryeministri i Republikës së Kosovës, Avdullah Hoti ka bërë të ditur se nuk do të lejojnë grumbullimin e mbi 100 personave në asnjë ambient.

Sipas tij kjo është masë për parandalimin e përhapjes së covid 19, shkruan arbresh.info.

“Do të ndalojmë grumbullimin e peronave dhe qytetarëve të hapësira të hapura dhe të mbyllura në më shumë se 100 persona, ceremonitë mortore të rregullohen vetëm me rrethin e ngushtë, të gjitha resurset shtetërore i kemi bënë në dispozicion”, ka shtuar ai.

Ndërsa i pyetur nëse nuk do të lejojnë as dasmat nga 1 korriku ashtu siç ishte parashikuar, Hoti ka thënë se ‘ plani ynë ka qenë që të lëvizim në atë drejtim por në gjendjen në të cilën jemi vështirë se mund të lëvizim”.

Ndryshe Qeveria e Republikës së Kosovës kishte paralajmëruar se dasmat, lokalet e natës, pishinat dhe grumbullimet e tjera të ngjashme do të lejohen nga 1 korriku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm