Guendouzi i thotë Arsenali se dëshiron të largohet

19:33 | 26 Qershor 2020
A. B.

Matteo Guendouzi do të largohet nga Arsenali gjatë afatit kalimtar veror.

Pas dy viteve qëndrim në Emirates Stadium, mesfushori francez ka kërkuar largimin nga klubi i tij aktual.

Lojtari ka bërë paraqitje jashtëzakonisht të mira duke e rritur ndjeshëm vlerën e tij në tregun e transferimeve.

Arsenali shpenzoi vetëm tetë milionë euro në vitin 2018 për ta blerë nga Lorient, ndërsa vlera e tij sot sillet rreth 50 milionë.

Sipas asaj që ka raportuar L’Equipe, ka qenë vetë lojtari që ka kërkuar nga klubi largimin gjatë verës.

Interesim për të kanë shfaqur dy skuadrat e mëdha spanjolle Real Madrid dhe Barcelona, por duket se ai do të rikthehet në Ligue 1.

Raportimet nga Franca bëjnë të ditur se Guendouzi ka një marrëveshje personale me kampionin e Ligue 1, Paris Saint Germain.

21-vjeçari shihet si një lojtar me të ardhme të ndritur, ndërsa PSG është gati t’i përmbushë kërkesat e Arsenalit prej 50 milionë euro për Guendouzin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm