Kryeministri i Republikës së Kosovës, Avdullah Hoti përmes një postimi në rrjetin social Facebook ka shkruar për dështimin e Kuvendit për votimin e pesë marrëveshjeve.
Hoti ka thënë se pritet që këto të fundit të votohen, pasi që janë të një rëndësie të veçantë sepse janë marrëveshje ekonomike për projekte investive në vend, shkruan arbresh.info
Ai gjithashtu ka ftuar deputetët e Kuvendit të Kosovës që të marrin përgjegjësi kushtetuese kur është fjala për projekte të tilla zhvillimore.
“Në Kuvend duhet t’i hapet rrugë diskutimit për Buxhetin e rishikuar, që t’i dalim në krah bizneseve të cilat rrezikojnë të shuhen, t’i dalim në krah punëtorëve që nuk i kanë marrë pagat, të mbrojmë prodhimin vendor dhe t’i mbështesim qytetarët në nevojë”, ka përfunduar ai.
Postimi i tij i plotë:
Kuvendi i Kosovës dështoj t’i votoj sot pesë marrëveshje ndërkombëtare! Këto dokumente që presin të votohen, janë të një rëndësie të veçantë për shkak se janë marrëveshje ekonomike për projekte investive dhe zhvillimore në Kosovë!
Qytetarët e Kosovës kanë nevojë urgjente për mbështetje institucionale, ndërsa Qeverisë së Kosovës duhet t’i lejohet të vazhdoj me implementimin e masave në kuadër të pakos për Rimëkëmbje ekonomike!
Andaj, ftoj deputetët e Kuvendit të Kosovës, që të paktën kur kemi të bëjmë me projekte zhvillimore dhe fonde mbështetëse për infrastrukturë, të marrim përgjegjësitë kushtetuese që na takojnë! Në Kuvend duhet t’i hapet rrugë diskutimit për Buxhetin e rishikuar, që t’i dalim në krah bizneseve të cilat rrezikojnë të shuhen, t’i dalim në krah punëtorëve që nuk i kanë marrë pagat, të mbrojmë prodhimin vendor dhe t’i mbështesim qytetarët në nevojë!
Igli Hasani mohon të ketë përplasje mes Edi Ramës dhe Albin ...
Izraeli nis sulme në jug të Libanit
Maqedonci nënshkruan marrëveshje: Turqia do t’i ofroj trajni...
FC Prishtina 01 gati për Main Round, synon suksesin e vitit ...
Arrestohen 13 persona pas një përleshje mes vete në Prishtin...
Policia kërkon ndihmë në kapjen e 34 vjeçarit, i dyshuar për...