Google ADS

Po e ndiqte prej kohësh, Billie Eilish merr urdhër mbrojtjeje

10:44 | 23 Qershor 2020
Arbresh.info

Këngëtarja amerikane Billie Eilish, është një nga emrat më të dëgjuar të momentit. Ndonëse vetëm 18 vjeç, ajo njihet për stilin e veçantë dhe zërin karakteristik.

Këngëtarja është një ndër personazhet më të dashur dhe shumë e ndjekur në rrjetet sociale. Por si duket të qenurit e famshme ka të mirat dhe të këqijat e veta.

Kështu ka ndodhur dhe me Billie, e cila është detyruar të marrë një urdhër mbrojtje, pasi një fans i fiksuar pas saj, e përndiqte vazhdimisht. Sipas ‘TMZ’, Eilish ka marrë një urdhër mbrojtjeje për 3 vitet e ardhshme nga Gjykata Supreme e Los Anxhelos.

Ajo ka thënë në gjykatë se një fans i shfaqej vazhdimisht në shtëpinë e saj, pa maska dhe doreza dhe sillej në mënyrë anormale. Urdhri i ndalon personit në fjalë t’i afrohet Billiet ose familjes së saj.

Shpërndaje në rrjete sociale

Lajmet më të lexuara

Të ngjashme

Foto lajm