Sot (e martë) nga ora 19:30 luhet ndeshja e dytë finale e ‘play-offit’ në Superligën e Kosovës në hendboll në konkurrencë të meshkujve. Në Pallatin e Rinisë dhe Sportit në kryeqytet takohen Prishtina dhe Besa Famgas.
Besa Famgas është kampione në fuqi, kurse i ka fituar të gjitha ndeshjet e këtij kampionati. Ndeshjen e parë finale të luajtur të shtunën në Pejë, Besa Famgas e fitoi bindshëm, 38-26.
Ekipit pejan tani i duhet edhe një fitore apo një barazim për të siguruar titullin e ri të kampionit dhe për të vazhduar dominimin e plotë në Superligë.
Te Prishtina kanë premtuar angazhim maksimal në tentim për të mposhtur Besën dhe kështu për të siguruar ndeshjen e tretë të finales së ‘play-offit’. Prishtina në kampionat kishte dy disfata, ndërsa e humbi edhe ndeshjen e parë gjysmëfinale të ‘play-offit’. Por, më pas fitoi edhe më thellë ndaj Trepçës në Mitrovicë dhe kështu kaloi në finale.
Në ndeshjen e parë finale, Besa herët bëri shkëputje në rezultat dhe mbajti vazhdimisht epërsi bindëse.
Ndeshja luhet pa praninë e shikuesve dhe duke respektuar të gjitha masat në luftë ndaj COVID-19.
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...
Kusari-Lila tregon si ndodhi biseda me Milan Radoiçiqin
Hoxha takoi kryetarin e Prezencës së OSBE-së, flasin për pro...