Katërmbëdhjetë persona, përfshirë pesë fëmijë javë vrarë në Çikago gjatë fundjavës, duke e bërë ditën më vdekjeprurëse këtë vit.

Që nga e premtja deri të hënën mbrëma, 104 persona janë qëlluar në Çikago. Në mesin e tyre ishte trevjeçari Mekay James, transmeton portali arbresh.info.

Ai ishte goditur nga një plumb të shtunën sa ishte me biçikletë me të atin, i cili ishte shënjestër, tha policia. I vogli u dërgua në spital me urgjencë, por humbi jetën pak më pas.

Dy adoleshentë, të moshës 16 dhe 17 vjeçare janë vrarë vetëm një orë para Jamesit, kur një i dyshuar iu afrua dhe i qëlloi për vdekje. Më vonë, po të njëjtën ditë një 13-vjeçare vdiq pasi u qëllua në qafë sa ishte duke shikuar TV në shtëpinë e saj.

Në një incident tjetër, dy djem adoleshentë, 15 dhe 16 vjeç, u qëlluan nga një automjet në lëvizje ndërsa po ecnin. 15-vjeçari u qëllua në këmbë, kraharor dhe bark dhe u shqiptua i vdekur në spital. Djali i dytë u godit në kyçin e këmbës dhe tani është në një gjendje të qëndrueshme.

Vdekjet e rritura i shtynë udhëheqësit lokalë të besimit të mbajnë një mbledhje për të dënuar publikisht dhunën dhe të bëjnë presion në policinë e qytetit për të vepruar.

Pastori Ira Acree, i cili organizoi ngjarjen, u tha mediave “Unë nuk mund të pastorëzoj këtë komunitet dhe të mos them diçka.” “Një linjë u kalua,” shtoi ai.

Rritja e dhunës me armë vjen pasi Çikago përjetoi fundjavën e saj më vdekjeprurëse të Ditës së Përkujtimit që nga 2015, me nëntë njerëz të vrarë dhe 27 të plagosur në të shtëna./arbresh.info/