Fëmija 12-vjeçar vdes nga Covid-19 në Angli

21:45 | 19 Qershor 2020
Arbresh.info

Një fëmijë 12-vjeçar është në mesin e viktimave më të reja të koronavirusit në Britani.

Spitali i Fëmijëve në Sheffield konfirmoi që fëmija ka vdekur të hënën pasi u pranua në gjendje kritike, transmeton portali arbresh.info.

Spitali, që nuk konfirmoi moshën e fëmijës, tha që ishte testuar pozitiv për Covid-19, por që shkaktari i vdekjes nuk ishte përcaktuar ende.

Në një deklaratë, spitali tha: “Për fat të keq të hënën në 15 qershor, një fëmijë ndërroi jetë në Sheffield Children, pasi u dërgua në spital në një gjendje të rëndë.

“Përpjekjet për ta kthyer në jetë ishin të pasuksesshme.

“Shkaku i vdekjes nuk dihet ende. Testet kanë konfirmuar që fëmija kishte Covid-19, por ende nuk është e qartë nëse ai ishte një faktor kontribuues”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm